ANTOLOXÍA
PLEITU ENTE UVIÉU Y MÉRIDA POLA POSESIÓN DE LES CENICES DE SANTA OLAYA
(Romance)
Cuando examen les abeyes
Y posen de flor en flor,
Si les escurren s’espanten
Vanse y non facen llabor,
Dexando’l caxello vieyo
Pa buscar otro meyor.
Santa Olalla fo l’abeya
Que de Mérida ensamó
Enfadada qu’adorasen
Les fegures de llatón.
Entoncies el rei Don Sil
Andaba en guerra feroz
colos moros que querín
encabezase en Lleón.
Permitiólo aquesta Santa
Que les victories–y dió,
Matanza faciendo nellos
Fasta qu’en Mérida entró.
Llegó al pueblo d’esta ñeña
Que temblaba de pavor,
Y esconfiaba de so cutre
Solliviada de temor.
Cutieron los santos güesos
Viendo que s’arrodiyó:
Si estovieren más carnudos
Saldrín fe–y acatación.
Trúxoles el Rei piadosu,
De llaceria los sacó
Y metiólos per Uviedo
Con gaites y procesión.
Mérida diz que–y tornen
Esta prenda que–y faltó:
Diga ella que quier ise
Y aún con eso... quiera Dios,
Si quieren que la llarguemos,
Páguennos la devoción
Ansí de los que finaron
como de los qu’ora son.
Díguenlo al Santo Sudario
Ver quiciás si da razón,
Pos non tien utro cuidado
El señor San Salvador.
¿Quién ora–y lo mandará?
Bien s’echa de ver que nós:
Si nos lleven esta Santa
No hai más d’arrimar la foz;
Dirán ellos: —“Morrió acá”,
Diremos nós: —“Non morrió,
Qu’está viva per Asturies,
Si está muerta para vos”.
Y anque la lleven, m’obligo
que se torna per u fo,
Porque están de nuestro llado
L’Obispo y Gobernador.
Nosotros los de capote,
cual con un ral, cual con dos,
Seguiremos esti pleito
Fasta llevalo ente Dios.
Antón de Marirreguera
El ensalmador
(fragmento)
Y folgárame yo quedar preñado
porque vos non tuvieres tanto enfado,
que tan perdido esto por esos güeyos
q´uno a uno se van estos pelleyos:
ora pe lo presente m´acomodo
con que vos m´abraceis con cesto y todo.
[...]
Alcalde: ¡Qu´esto pase delante la xusticia!
Ensalmador: Cobraba el mio trabayo; no hay malicia.
Alcalde: ¿Y d´esta suerte paguen les muyeres?
Ensalmador: Dios lu llibre a vusté de menesteres,
q´aquell ta famiento ye mui llano
ha de comer lo que atope más a mano.
[...]
Tres pelos tomaréis de so´l sobaco
y echareislo na caxa del tabaco,
que´l tabaco ye linda melecina
para q´una muyer ñon sia mezquina.
Antón de Marirreguera seudónimo de Antón González Reguera
No hay comentarios:
Publicar un comentario